ما لغيرك نطيحـه
الطرف يا عيني تعود على النوح
والقلب يا قلبي ذوابـه جريحـه
من علمك يا خلي تصد وتـروح
قبل الخطا لا جاك منـي تبيحـه
بيني وبينك كم سواليف ومـزوح
بيني وبينك كل عشـره مليحـه
ياما تهامسنا على نهج مسمـوح
وياما طرقنا للنبط مـع فصيحـه
إن غبت عني يالغلا وين بـاروح
يا روح روحي ما لغيرك نطيحـه
أنا همومي لو تقسم على سفـوح
غطت على كل البقـاع الفسيحـه
بيني وبينك هـم والآم وجـروح
حتى السعادة لعنبوهـا شحيحـه
يا كيف تجعلني من الشوق مذبوح
ما جاز لـ عزوز غيـر الذبيحـه
********ُ*عـزوز**********
